இயேசு கிறிஸ்து,
திரியேக தேவனின் (பிதா, வார்த்தை, பரிசுத்த ஆவியானவரின்) தற்சுரூபமாய் இருக்கிறார்.

வேதாகமத்தில் திருத்துவத்தை குறித்து முதன் முதலில் பேசியது யார் என்றால், அது இயேசு கிறிஸ்து தான், அதனால்தான் கிறிஸ்தவர்களுக்கு மட்டுமே திரியேக தேவனாகிய பிதா குமாரன் பரிசுத்த ஆவினவரை பற்றிய ஞானம் உண்டு - 18.அப்பொழுது இயேசு சமீபத்தில் வந்து, அவர்களை நோக்கி: வானத்திலும் பூமியிலும் சகல அதிகாரமும் எனக்குக் கொடுக்கப்பட்டிருக்கிறது. 19.ஆகையால், நீங்கள் புறப்பட்டுப்போய், சகல ஜாதிகளையும் சீஷராக்கி, பிதா குமாரன் பரிசுத்த ஆவியின் நாமத்திலே அவர்களுக்கு ஞானஸ்நானங்கொடுத்து, 20.நான் உங்களுக்குக் கட்டளையிட்ட யாவையும் அவர்கள் கைக்கொள்ளும்படி அவர்களுக்கு உபதேசம் பண்ணுங்கள்; இதோ, உலகத்தின் முடிவுபரியந்தம் சகல நாட்களிலும் நான் உங்களுடனேகூட இருக்கிறேன் என்றார். ஆமென் - மத்தேயு 28:18-20

ஆனால் திரியேக தேவனை வெளிப்படுத்திய இயேசு கிறிஸ்துவை பற்றிய பொதுவான அபிப்பிராயம் என்னவென்றால், அவர் திரியேக தேவனில் இரண்டாவது நபர் என்பது தான், ஆனால் இந்த அபிப்பிராயம் பின் வரும் கேள்விகளை எழுப்பும் என்பதில் சந்தேகம் இல்லை.

• திருத்துவதில் இயேசு கிறிஸ்து இரண்டாவது நபர் என்றால்,  இயேசு கிறிஸ்துவை முதற்பேறானவர் என்று சொல்லும் வசனங்களை நாம் எப்படி எடுத்து கொள்ளுவது? மேலும், தமது முதற்பேறானவரை உலகத்தில் பிரவேசிக்கச்செய்தபோது: தேவதூதர் யாவரும் அவரைத் தொழுதுகொள்ளக்கடவர்கள் என்றார் - எபிரெயர் 1:6  

• திருத்துவதில் இயேசு கிறிஸ்து இரண்டாவது நபர் என்றால், நம்மை பரிசுத்தஞ்செய்கிற இயேசு கிறிஸ்து,  தேவனாலே உண்டாக்கப்பட்டவர் என்று சொல்லும் இந்த வசனங்களை எப்படி எடுத்துக் கொள்வது - பரிசுத்தஞ்செய்கிறவரும் பரிசுத்தஞ்செய்யப்படுகிறவர்களுமாகிய யாவரும் ஒருவராலே உண்டாயிருக்கிறார்கள் - எபிரெயர் 2:11a

• திருத்துவதில் இயேசு கிறிஸ்து இரண்டாவது நபர் என்றால், இயேசு கிறிஸ்து இந்த பூமியில் இருந்த பொழுது, பரலோகத்தில் பிதாவும் பரிசுத்த ஆவியானவர் மாத்திரமா இருந்தார்கள்? ஆனால் இயேசு கிறிஸ்து தான் பூமியில் இருந்த பொழுது பரலோகத்திலும் இருந்ததாக கூறியுள்ளாரே, அப்படி என்றால் நாம் இன்னும் இயேசு கிறிஸ்துவை குறித்து அறிந்து கொள்ள வேண்டிய காரியங்கள் உண்டு என்பதில் சந்தேகம் இல்லை - பரலோகத்திலிருந்திறங்கினவரும் பரலோகத்திலிருக்கிறவருமான மனுஷகுமாரனேயல்லாமல் பரலோகத்துக்கு ஏறினவன் ஒருவனுமில்லை - யோவான் 3:13

• திருத்துவதில் இயேசு கிறிஸ்து இரண்டாவது நபர் என்றால், அவரை வார்த்தையின் தற்சுரூபமும் என்று தானே சொல்ல வேண்டும், ஆனால் வேதாகமம் அவரை தேவனுடைய தற்சுரூபமும் என்று அல்லவா சொல்லுகிறது, இப்படி அவர் தேவனுடைய தற்சுரூபமாக இருக்கிறார் என்றால், வார்த்தையானவராக மாத்திரம் இல்லாமல்  பிதாவையும், பரிசுத்த ஆவியானவரையும் உடையவராக இருக்கவேண்டும் அல்லவா? - அவர்(இயேசு கிறிஸ்து) அதரிசனமான தேவனுடைய தற்சுரூபமும், சர்வ சிருஷ்டிக்கும் முந்தின பேறுமானவர் - கொலோசெயர் 1:15

• திருத்துவதில் இயேசு கிறிஸ்து இரண்டாவது நபர் என்றால், முதல் நபராகிய பிதாவும் மூன்றாவது நபராகிய பரிசுத்த ஆவியானவரும் இரண்டாவது நபரை சிலுவைக்கு ஒப்பு கொடுத்தது போல் அல்லவா உள்ளது, இதை எப்படி ஏற்றுக்கொள்வது? - என்னை அனுப்பின பிதா தாமே என்னைக்குறித்துச் சாட்சி கொடுத்திருக்கிறார்; நீங்கள் ஒருக்காலும் அவர் சத்தத்தைக் கேட்டதுமில்லை, அவர் ரூபத்தைக் கண்டதுமில்லை - யோவான் 5:37

இதற்கான பதில் வேதாகமம் முழுவதும் பல தீர்க்கதரிசிகளால் விளக்கி கூறப்பட்டுள்ளது, இவைகளை நாம் அறிந்து கொண்டால் நாம் இன்னும் கர்த்தரை கிட்டி சேருவோம் என்பதில் ஐயம் இல்லை.

அப்போஸ்தலனாகிய யோவானின் விளக்கம்

இயேசுவின் மார்பில் சாய்ந்திருந்த அப்போஸ்தலனாகிய யோவான், பரிசுத்த ஆவியின் ஏவுதலினால் பரலோகத்தின் ரகசியங்களை குறித்து சொல்லும் பொழுது, அதரிசனமான தேவன் பரலோகத்தில் பிதா, வார்த்தை, பரிசுத்த ஆவி என்ற மூன்று நபர்களாக இருப்பதாகவும், அதே சமயத்தில் அவர்கள் மூன்று பேரும் பிரிக்க முடியாத ஒரே தேவனாக(பிதாவாக) இருக்கிறார் என்றும் குறிப்பிட்டுள்ளார் - பரலோகத்திலே சாட்சியிடுகிறவர்கள் மூவர், பிதா, வார்த்தை, பரிசுத்த ஆவி என்பவர்களே, இம்மூவரும் ஒன்றாயிருக்கிறார்கள் - I யோவான் 5:7 

குமாரனை குறித்து சொல்லும் பொழுதோ, பிதா, வார்த்தை, பரிசுத்த ஆவியாகிய திரியேக தேவன் ஜலம், இரத்தம், ஆவியாக ஒரே நபராகிய கிறிஸ்து இயேசுவுக்குள் இருந்தார் என்று குறிப்பிட்டுள்ளார் - பூலோகத்திலே சாட்சியிடுகிறவைகள் மூன்று, ஆவி, ஜலம், இரத்தம் என்பவைகளே, இம்மூன்றும் ஒருமைப்பட்டிருக்கிறது - I யோவான் 5:8

இதில் ஆவி, ஜலம், இரத்தம் என்பவைகள் முறையாக பரிசுத்த ஆவியானவரையும் , வார்த்தையானவரையும், மற்றும் பிதாவையும் குறிப்பதாகவும், இதை தான் கண்ணார கண்டதாகவும் அப்போஸ்தலனாகிய யோவான் சாட்சி கொடுத்திருக்கிறார் - 30.இயேசு காடியை வாங்கினபின்பு, முடிந்தது என்று சொல்லி, தலையைச் சாய்த்து, ஆவியை ஒப்புக்கொடுத்தார். 31.அந்த நாள் பெரிய ஓய்வுநாளுக்கு ஆயத்தநாளாயிருந்தபடியினால், உடல்கள் அந்த ஓய்வுநாளிலே சிலுவைகளில் இராதபடிக்கு, யூதர்கள் பிலாத்துவினிடத்தில் போய், அவர்களுடைய காலெலும்புகளை முறிக்கும்படிக்கும், உடல்களை எடுத்துப்போடும்படிக்கும் உத்தரவு கேட்டுக்கொண்டார்கள். 32.அந்தப்படி போர்ச்சேவகர் வந்து, அவருடனேகூடச் சிலுவையில் அறையப்பட்ட முந்தினவனுடைய காலெலும்புகளையும் மற்றவனுடைய காலெலும்புகளையும் முறித்தார்கள். 33.அவர்கள் இயேசுவினிடத்தில் வந்து, அவர் மரித்திருக்கிறதைக் கண்டு, அவருடைய காலெலும்புகளை முறிக்கவில்லை. 34.ஆகிலும் போர்ச்சேவகரில் ஒருவன் ஈட்டியினாலே அவருடைய விலாவில் குத்தினான்; உடனே இரத்தமும் தண்ணீரும் புறப்பட்டது. 35.அதைக் கண்டவன் சாட்சிகொடுக்கிறான், அவனுடைய சாட்சி மெய்யாயிருக்கிறது; நீங்கள் விசுவாசிக்கும்படி, தான் சொல்லுகிறது மெய்யென்று அவன் அறிந்திருக்கிறான் - யோவான் 19:30-35 

மற்றோரு இடத்தில் அப்போஸ்தலனாகிய யோவான், இயேசு கிறிஸ்து திரியேக தேவடைய தற்சுரூபம் என்றும், அதெப்படியெனில் திரியேக தேவனில் வார்த்தையானவர் மாம்சமாக வெளிப்பட்டார், அவருக்குள் பிதாவும் பரிசுத்த ஆவியானவரும் கிருபையும் சத்தியமுமாக குடியிருந்தார்கள் என்றும் கூறியுள்ளார் - அந்த வார்த்தை மாம்சமாகி, கிருபையினாலும் சத்தியத்தினாலும் நிறைந்தவராய், நமக்குள்ளே வாசம்பண்ணினார்; அவருடைய மகிமையைக் கண்டோம்; அது பிதாவுக்கு ஒரே பேறானவருடைய மகிமைக்கு ஏற்ற மகிமையாகவே இருந்தது - யோவான் 1:14

அப்போஸ்தலனாகிய பேதுருவின் விளக்கம்

அப்போஸ்தலனாகிய பேதுருவுக்கு, யாக்கோபு மற்றும் யோவானுடன் இயேசு கிறிஸ்துவின் மறுரூப மகிமையை தரிசிக்கும் வாய்ப்பு கிடைத்தது - 1.ஆறுநாளைக்குப் பின்பு, இயேசு பேதுருவையும் யாக்கோபையும் அவனுடைய சகோதரனாகிய யோவானையும் கூட்டிக்கொண்டு தனித்திருக்கும்படி உயர்ந்த மலையின்மேல் போய், 2.அவர்களுக்கு முன்பாக மறுரூபமானார்; அவர் முகம் சூரியனைப்போலப் பிரகாசித்தது, அவர் வஸ்திரம் வெளிச்சத்தைப்போல வெண்மையாயிற்று. 3.அப்பொழுது மோசேயும், எலியாவும் அவரோடே பேசுகிறவர்களாக அவர்களுக்குக் காணப்பட்டார்கள். 4.அப்பொழுது பேதுரு இயேசுவை நோக்கி: ஆண்டவரே, நாம் இங்கே இருக்கிறது நல்லது; உமக்குச் சித்தமானால், இங்கே உமக்கு ஒரு கூடாரமும், மோசேக்கு ஒரு கூடாரமும், எலியாவுக்கு ஒரு கூடாரமுமாக, மூன்று கூடாரங்களைப் போடுவோம் என்றான். 5.அவன் பேசுகையில், இதோ, ஒளியுள்ள ஒரு மேகம் அவர்கள்மேல் நிழலிட்டது. இவர் என்னுடைய நேச குமாரன், இவரில் பிரியமாயிருக்கிறேன், இவருக்குச் செவிகொடுங்கள் என்று அந்த மேகத்திலிருந்து ஒரு சத்தம் உண்டாயிற்று. 6.சீஷர்கள் அதைக் கேட்டு, முகங்குப்புற விழுந்து, மிகவும் பயந்தார்கள். 7.அப்பொழுது, இயேசு வந்து, அவர்களைத் தொட்டு: எழுந்திருங்கள், பயப்படாதேயுங்கள் என்றார். 8.அவர்கள் தங்கள் கண்களை ஏறெடுத்துப்பார்க்கையில் இயேசுவைத்தவிர வேறொருவரையும் காணவில்லை - மத்தேயு 17:1-8

அந்த தரிசினத்தின் அர்த்தத்தை புரிந்து கொண்ட அப்போஸ்தலனாகிய பேதுரு, இயேசு கிறிஸ்துவின் மறுரூப மகிமையை குறித்து சொல்லும் பொழுது, மோசேயையும் எலியாவையும் குறித்து சொல்லாமல் இயேசு கிறிஸ்துவின் மகத்துவத்தைக் கண்ணாரக் கண்டோம் என்றே சாட்சி கொடுத்திருக்கிறார் - 16.நாங்கள் தந்திரமான கட்டுக்கதைகளைப் பின்பற்றினவர்களாக அல்ல, அவருடைய மகத்துவத்தைக் கண்ணாரக் கண்டவர்களாகவே நம்முடைய கர்த்தராகிய இயேசுகிறிஸ்துவின் வல்லமையையும் வருகையையும் உங்களுக்கு அறிவித்தோம். 17.இவர் என்னுடைய நேசகுமாரன், இவரிடத்தில் பிரியமாயிருக்கிறேன் என்று சொல்லுகிற சத்தம் உன்னதமான மகிமையிலிருந்து அவருக்கு உண்டாகி, பிதாவாகிய தேவனால் அவர் கனத்தையும் மகிமையையும் பெற்றபோது, 18.அவரோடேகூட நாங்கள் பரிசுத்த பருவதத்திலிருக்கையில், வானத்திலிருந்து பிறந்த அந்தச் சத்தத்தைக் கேட்டோம் - II பேதுரு 1:16-18


இப்படி இயேசு கிறிஸ்து திரியேக தேவனாக இருப்பதை தான் தேவதூதர் ஏறுகிறவர்களும் இறங்குகிறவர்களுமாய் இருந்தார்கள் என்று வேதாகமம் கூறுகிறது - 10.யாக்கோபு பெயெர்செபாவை விட்டுப் புறப்பட்டு ஆரானுக்குப் போகப் பிரயாணம்பண்ணி, 11.ஒரு இடத்திலே வந்து, சூரியன் அஸ்தமித்தபடியினால், அங்கே ராத்தங்கி, அவ்விடத்துக் கற்களில் ஒன்றை எடுத்து, தன் தலையின்கீழ் வைத்து, அங்கே நித்திரை செய்யும்படி படுத்துக்கொண்டான். 12.அங்கே அவன் ஒரு சொப்பனங் கண்டான்; இதோ, ஒரு ஏணி பூமியிலே வைக்கப்பட்டிருந்தது, அதின் நுனி வானத்தை எட்டியிருந்தது, அதிலே தேவதூதர் ஏறுகிறவர்களும் இறங்குகிறவர்களுமாய் இருந்தார்கள் - ஆதியாகமம் 28:10-12 & பின்னும், அவர் அவனை நோக்கி: வானம் திறந்திருக்கிறதையும், தேவதூதர்கள் மனுஷகுமாரனிடத்திலிருந்து ஏறுகிறதையும் இறங்குகிறதையும் நீங்கள் இதுமுதல் காண்பீர்கள் என்று மெய்யாகவே மெய்யாகவே உங்களுக்குச் சொல்லுகிறேன் என்றார் - யோவான் 1:51

இது கர்த்தர் ஆபிரகாமுக்கு கொடுத்த தரிசனத்திற்கு ஒப்பாகவே இருந்தது, ஏன் என்றால் ஆபிரகாமும் கர்த்தராகிய இயேசு கிறிஸ்துவை மூன்று நபர்களாகவே தரிசித்தான் - 1.பின்பு, கர்த்தர் மம்ரேயின் சமபூமியிலே அவனுக்குத் தரிசனமானார். அவன் பகலின் உஷ்ணவேளையில் கூடாரவாசலிலே உட்கார்ந்திருந்து, 2.தன் கண்களை ஏறெடுத்துப் பார்க்கும்போது, இதோ, மூன்று புருஷர் அவனுக்கு எதிரே நின்றார்கள்; அவர்களைக் கண்டவுடனே, அவன் கூடாரவாசலிலிருந்து அவர்களுக்கு எதிர்கொண்டு ஓடித் தரைமட்டும் குனிந்து; 3.ஆண்டவரே, உம்முடைய கண்களில் எனக்குக் கிருபை கிடைத்ததானால், நீர் உமது அடியேனைவிட்டுக் கடந்துபோகவேண்டாம் - ஆதியாகமம் 18:1-3

அது மாத்திரம் இல்லாமல், இயேசு கிறிஸ்து தன்னுடைய சீஷர்களுக்கு பிதா குமாரன் பரிசுத்த ஆவியின் நாமத்திலே ஞானஸ்நானம் கொடுக்க கட்டளையிட்டிருந்தார் - 19.ஆகையால், நீங்கள் புறப்பட்டுப்போய், சகல ஜாதிகளையும் சீஷராக்கி, பிதா குமாரன் பரிசுத்த ஆவியின் நாமத்திலே அவர்களுக்கு ஞானஸ்நானங்கொடுத்து, 20.நான் உங்களுக்குக் கட்டளையிட்ட யாவையும் அவர்கள் கைக்கொள்ளும்படி அவர்களுக்கு உபதேசம் பண்ணுங்கள்; இதோ, உலகத்தின் முடிவுபரியந்தம் சகல நாட்களிலும் நான் உங்களுடனேகூட இருக்கிறேன் என்றார். ஆமென் - மத்தேயு 28:19-20

ஆனால் கர்த்தரின் மறுரூப மகிமையை கண்ட பேதுரு, இயேசு கிறிஸ்துவின் நாமத்திலே ஞானஸ்நானம் கொடுத்து, இயேசு கிறிஸ்துவே பிதா, வார்த்தை, மற்றும் பரிசுத்த ஆவி என்ற திரியேக தேவனுடைய தற்சுரூபம் என்பதை உலகுக்கு உணர்த்தினான் - 38.பேதுரு அவர்களை நோக்கி: நீங்கள் மனந்திரும்பி, ஒவ்வொருவரும் பாவமன்னிப்புக்கென்று இயேசுகிறிஸ்துவின் நாமத்தினாலே ஞானஸ்நானம் பெற்றுக்கொள்ளுங்கள், அப்பொழுது பரிசுத்தஆவியின் வரத்தைப் பெறுவீர்கள். 39.வாக்குத்தத்தமானது உங்களுக்கும், உங்கள் பிள்ளைகளுக்கும், நம்முடைய தேவனாகிய கர்த்தர் வரவழைக்கும் தூரத்திலுள்ள யாவருக்கும் உண்டாயிருக்கிறது என்று சொல்லி; 40.இன்னும் அநேக வார்த்தைகளாலும் சாட்சிகூறி, மாறுபாடுள்ள இந்தச் சந்ததியை விட்டு விலகி உங்களை இரட்சித்துக்கொள்ளுங்கள் என்றும் புத்திசொன்னான் - அப்போஸ்தலர் 2:38-40 

47.அப்பொழுது பேதுரு: நம்மைப்போலப் பரிசுத்தஆவியைப் பெற்ற இவர்களும் ஞானஸ்நானம் பெறாதபடிக்கு எவனாகிலும் தண்ணீரை விலக்கலாமா என்று சொல்லி, 48.கர்த்தருடைய நாமத்தினாலே அவர்களுக்கு ஞானஸ்நானங்கொடுக்கும்படி கட்டளையிட்டான் - அப்போஸ்தலர் 10:47-48a

மற்றோரு இடத்தில் அப்போஸ்தலனாகிய பேதுரு, திரியேக தேவனில் வார்த்தையானவர் இயேசு கிறிஸ்துவாக வெளிப்பட்டார், அதே சமயத்தில் அவர் பரிசுத்தஆவியினாலும் பிதாவின் வல்லமையினாலும் நிரப்பப்பட்டவராக இருந்தார் என்றும் கூறியுள்ளார் - நசரேயனாகிய இயேசுவைத் தேவன் பரிசுத்தஆவியினாலும் வல்லமையினாலும் அபிஷேகம்பண்ணினார்; தேவன் அவருடனேகூட இருந்தபடியினாலே அவர் நன்மைசெய்கிறவராயும் பிசாசின் வல்லமையில் அகப்பட்ட யாவரையும் குணமாக்குகிறவராயும் சுற்றித்திரிந்தார் - அப்போஸ்தலர் 10:38

ஏன் இந்த உண்மை மிகவும் முக்கியமானது?

ஏன் என்றால், எனக்காகவும் உங்களுக்காகவும் இயேசு கிறிஸ்துவானவர் வாரினால் அடிக்கப்பட்ட பொழுதும், அவருடைய முகத்தில் துப்பின பொழுதும், சிலுவையில் ஆணிகளால் அறையப்பட்ட பொழுதும், பிதா, வார்த்தை, மற்றும் பரிசுத்த ஆவியாகிய மூன்று பேரும் நமக்காக பாடுப் பட்டார்கள் என்பதை அறிந்து பரிசுத்தமாக வாழ ஒப்பு கொடுப்போம்.

பிதாவாக: நம் எல்லோரையும் பிதா தான் தம்மிடமாக இழுத்துக்கொள்ள முடியும் என்று சொன்ன இயேசு கிறிஸ்து, தான் சிலுவையில் இருக்கும் பொழுது நம் எல்லோரையும் இழுத்துக்கொள்ளுவேன் என்று சொல்லி தான் தான் பிதா என்ற ரகசியத்தை சொல்லியுள்ளார் - என்னை அனுப்பின பிதா ஒருவனை இழுத்துக்கொள்ளாவிட்டால் அவன் என்னிடத்தில் வரமாட்டான்; கடைசிநாளில் நான் அவனை எழுப்புவேன் - யோவான் 6:44 & நான் பூமியிலிருந்து உயர்த்தப்பட்டிருக்கும்போது, எல்லாரையும் என்னிடத்தில் இழுத்துக்கொள்ளுவேன் என்றார் - யோவான் 12:32


பரிசுத்தஆவியானவராக: இயேசு கிறிஸ்து சிலுவையில் பாடுபடுவதற்க்கு முன்பும் பரிசுத்தஆவியினாலே காரியங்களை செய்தார் என்று வேதாகமம் சொல்லுகிறது - பின்பு இயேசு ஆவியானவருடைய பலத்தினாலே கலிலேயாவுக்குத் திரும்பிப் போனார். அவருடைய கீர்த்தி சுற்றிலும் இருக்கிற தேசமெங்கும் பரம்பிற்று - லூக்கா 4:14

அதை போல் மரித்து உயிர்தெழுந்த பின்பும் பரிசுத்தஆவியினாலே காரியங்களை செய்தார், அப்படி என்றால் சிலுவையிலும் பரிசுத்தஆவியானவர்  இருந்தார் என்பதை நாம் மறுக்க முடியாதே - 1.தெயோப்பிலுவே, இயேசுவானவர் தாம் தெரிந்துகொண்ட அப்போஸ்தலருக்குப் பரிசுத்தஆவியினாலே கட்டளையிட்ட பின்பு, 2.அவர் எடுத்துக்கொள்ளப்பட்ட நாள்வரைக்கும் செய்யவும் உபதேசிக்கவும் தொடங்கின எல்லாவற்றையுங்குறித்து, முதலாம் பிரபந்தத்தை உண்டுபண்ணினேன். 3.அவர் பாடுபட்டபின்பு, நாற்பது நாளளவும் அப்போஸ்தலருக்குத் தரிசனமாகி, தேவனுடைய ராஜ்யத்துக்குரியவைகளை அவர்களுடனே பேசி, அநேகம் தெளிவான திருஷ்டாந்தங்களினாலே அவர்களுக்குத் தம்மை உயிரோடிருக்கிறவராகக் காண்பித்தார் - அப்போஸ்தலர் 1:1-3

இப்படியாக இயேசு கிறிஸ்து பிதா, வார்த்தை, மற்றும் பரிசுத்த ஆவி என்ற காணக்கூடாத தேவனுடைய தற்சுரூபமாய், முதற்பேறானவராய், நேற்றும் இன்றும் என்றும் மாறாதவராயிருக்கிறார்.


ஏன் இயேசு கிறிஸ்து திரித்துவத்தை வெளிப்படுத்தினார்?

நாம் பரிசுத்த ஆவியினாவரை பற்றி அறிந்து கொள்ளவேண்டும், அவரை பெற்று கொள்ள வேண்டும் என்ற மேலான நோக்கத்தினால் தான் இயேசு கிறிஸ்து திரித்துவத்தை வெளிப்படுத்தினார் - 7.நான் உங்களுக்கு உண்மையைச் சொல்லுகிறேன்; நான் போகிறது உங்களுக்குப் பிரயோஜனமாயிருக்கும்; நான் போகாதிருந்தால், தேற்றரவாளன் உங்களிடத்தில் வரார்; நான் போவேனேயாகில் அவரை உங்களிடத்திற்கு அனுப்புவேன். 8.அவர் வந்து, பாவத்தைக்குறித்தும், நீதியைக்குறித்தும், நியாயத்தீர்ப்பைக்குறித்தும், உலகத்தைக் கண்டித்து உணர்த்துவார். 9.அவர்கள் என்னை விசுவாசியாதபடியினாலே பாவத்தைக்குறித்தும், 10.நீங்கள் இனி என்னைக் காணாதபடிக்கு நான் என் பிதாவினிடத்திற்குப் போகிறபடியினாலே நீதியைக்குறித்தும், 11.இந்த உலகத்தின் அதிபதி நியாயந்தீர்க்கப்பட்டதினாலே நியாயத்தீர்ப்பைக்குறித்தும், கண்டித்து உணர்த்துவார். 12.இன்னும் அநேகங்காரியங்களை நான் உங்களுக்குச் சொல்லவேண்டியதாயிருக்கிறது, அவைகளை நீங்கள் இப்பொழுது தாங்கமாட்டீர்கள். 13.சத்திய ஆவியாகிய அவர் வரும்போது, சகல சத்தியத்திற்குள்ளும் உங்களை நடத்துவார்; அவர் தம்முடைய சுயமாய்ப் பேசாமல், தாம் கேள்விப்பட்டவைகள் யாவையுஞ்சொல்லி, வரப்போகிற காரியங்களை உங்களுக்கு அறிவிப்பார். 14.அவர் என்னுடையதில் எடுத்து உங்களுக்கு அறிவிப்பதினால் என்னை மகிமைப்படுத்துவார். 15.பிதாவினுடையவைகள் யாவும் என்னுடையவைகள்; அதினாலே அவர் என்னுடையதில் எடுத்து உங்களுக்கு அறிவிப்பார் என்றேன் - யோவான் 16:7-15


அது மாத்திரம் இல்லாமல், பரிசுத்த ஆவியினாவரை நாம் வருந்தி அழைப்பதும், பரிசுத்த ஆவியினாவருக்காக இயேசு கிறிஸ்துவின் நாமத்தில் பிதாவை வேண்டி கொள்வதும் அவசியமாய் இருக்கிறது - 5.பின்னும் அவர் அவர்களை நோக்கி: உங்களில் ஒருவன் தனக்குச் சிநேகிதனாயிருக்கிறவனிடத்தில் பாதிராத்திரியிலே போய்: சிநேகிதனே, 6.என் சிநேகிதன் ஒருவன் வழிப்பிரயாணமாய் என்னிடத்தில் வந்திருக்கிறான், அவன்முன் வைக்கிறதற்கு என்னிடத்தில் ஒன்றுமில்லை, நீ மூன்று அப்பங்களை எனக்குக் கடனாகத் தரவேண்டும் என்று கேட்டுக்கொண்டான். 7.வீட்டுக்குள் இருக்கிறவன் பிரதியுத்தரமாக: என்னைத் தொந்தரவு செய்யாதே, கதவு பூட்டியாயிற்று, என் பிள்ளைகள் என்னோடேகூடப் படுத்திருக்கிறார்கள், நான் எழுந்திருந்து, உனக்குத் தரக்கூடாது என்று சொன்னான். 8.பின்பு, தனக்கு அவன் சிநேகிதனாயிருக்கிறதினிமித்தம் எழுந்து அவனுக்குக் கொடாவிட்டாலும், தன்னிடத்தில் அவன் வருந்திக் கேட்கிறதினிமித்தமாவது எழுந்திருந்து, அவனுக்குத் தேவையானதைக் கொடுப்பான் என்று உங்களுக்குச் சொல்லுகிறேன். 9.மேலும் நான் உங்களுக்குச் சொல்லுகிறதாவது: கேளுங்கள், அப்பொழுது உங்களுக்குக் கொடுக்கப்படும்; தேடுங்கள், அப்பொழுது கண்டடைவீர்கள்; தட்டுங்கள், அப்பொழுது உங்களுக்குத் திறக்கப்படும். 10.ஏனென்றால், கேட்கிறவன் எவனும் பெற்றுக்கொள்ளுகிறான்; தேடுகிறவன் கண்டடைகிறான்; தட்டுகிறவனுக்குத் திறக்கப்படும். 11.உங்களில் தகப்பனாயிருக்கிற ஒருவனிடத்தில் மகன் அப்பங்கேட்டால், அவனுக்குக் கல்லைக் கொடுப்பானா? மீனைக்கேட்டால் மீனுக்குப் பதிலாய்ப் பாம்பைக் கொடுப்பானா? 12.அல்லது முட்டையைக் கேட்டால், அவனுக்குத் தேளைக் கொடுப்பானா? 13.பொல்லாதவர்களாகிய நீங்கள் உங்கள் பிள்ளைகளுக்கு நல்ல ஈவுகளைக் கொடுக்க அறிந்திருக்கும்போது, பரம பிதாவானவர் தம்மிடத்தில் வேண்டிக்கொள்ளுகிறவர்களுக்குப் பரிசுத்த ஆவியைக் கொடுப்பது அதிக நிச்சயம் அல்லவா என்றார் - லூக்கா 11:5-13