கொர்பான்

இயேசு கிறிஸ்து தன் ஊழியத்தின் போது இரண்டு முறை குறிப்பிட்டுப் பேசினபழைய ஏற்பாட்டின் கட்டளை என்ன வென்றால், அது உன் தகப்பனையும் உன் தாயையும் கனம்பண்ணுவாயாக என்பதாகும் - உன் தகப்பனையும் உன் தாயையும் கனம்பண்ணுவாயாக என்றும்; தகப்பனையாவது தாயையாவது நிந்திக்கிறவன் கொல்லப்படவேண்டும் என்றும், தேவன் கற்பித்திருக்கிறாரே - மத்தேயு 15:4 & உன் தகப்பனையும் உன் தாயையும் கனம்பண்ணுவாயாக; உன்னிடத்தில் நீ அன்புகூருவதுபோலப் பிறனிடத்திலும் அன்புகூருவாயாக என்பவைகளையே என்றார் - மத்தேயு 19:19

இயேசு கிறிஸ்து சொன்ன இந்த காரியம் மோசேயின் புஸ்தகங்களில் குறிப்பிடப்பட்டுள்ளது - உன் தேவனாகிய கர்த்தர் உனக்குக் கொடுக்கிற தேசத்திலே உன் நாட்கள் நீடித்திருப்பதற்கு, உன் தகப்பனையும் உன் தாயையும் கனம்பண்ணுவாயாக - யாத்திராகமம் 20:12 & தன் தகப்பனையாவது தன் தாயையாவது சபிக்கிறவன் நிச்சயமாய்க் கொலைசெய்யப்படக்கடவன் - யாத்திராகமம் 21:17

ஒருவேளை இந்த கட்டளை, நம் பூமிக்குரிய தகப்பனையும் தாயையும் குறிப்பதாய் இருந்திருந்தால், தன் தகப்பனை அடக்கம்பண்ண வேண்டும் என்று கேட்ட சீஷனை இயேசு கிறிஸ்து உடனே அனுப்பியிருப்பார் அல்லவா, அப்படியென்றால் இது யாரை குறிக்கிறது? 21.அவருடைய சீஷர்களில் வேறொருவன் அவரை நோக்கி: ஆண்டவரே! முன்பு நான் போய், என் தகப்பனை அடக்கம்பண்ண எனக்கு உத்தரவு கொடுக்கவேண்டும் என்றான். 22.அதற்கு இயேசு: மரித்தோர் தங்கள் மரித்தோரை அடக்கம்பண்ணட்டும், நீ என்னைப் பின்பற்றி வா என்றார் - மத்தேயு 8:21-22

மேலும் "உன் தகப்பனையும் உன் தாயையும் கனம்பண்ணுவாயாக" என்கிற கட்டளையை பெற்ற பொழுது, மோசேயின் பெற்றோர் உயிரோடு இருந்திருக்க வாய்ப்பில்லை, அப்படியினால் பெற்றோரை இழந்தோருக்கு இது ஒரு செல்லாத கட்டளையாய் இருக்குமே, இதிலிருந்து "உன் தகப்பனையும் உன் தாயையும் கனம்பண்ணுவாயாக" என்கிற கட்டளையானது, இந்த பூமிக்குரிய பெற்றோரை குறிக்காமல், நம் பரலோக தந்தையாம் தேவனையும், நம்மை சிலுவையில் பெற்ற இயேசு கிறிஸ்துவையுமே குறிக்கிறது என்பதை அறிந்துக் கொள்ளலாம் - பூமியிலே ஒருவனையும் உங்கள் பிதா என்று சொல்லாதிருங்கள்; பரலோகத்திலிருக்கிற ஒருவரே உங்களுக்குப் பிதாவாயிருக்கிறார் - மத்தேயு 23:9 & மேலான எருசலேமோ(இயேசு கிறிஸ்து) சுயாதீனமுள்ளவள், அவளே நம்மெல்லாருக்கும் தாயானவள் - கலாத்தியர் 4:26

தேவனுடைய கற்பனை

உன் தகப்பனையும் உன் தாயையும் கனம்பண்ணுவாயாக என்கிற கட்டளையை குறித்து, இயேசு கிறிஸ்து பரிசேயர் மற்றும் வேதபாரகரிடம் சொல்லக் காரணம் என்ன?  - 1.அப்பொழுது, எருசலேமிலிருந்து வந்த வேதபாரகரும் பரிசேயரும் இயேசுவினிடத்தில் வந்து: 2.உம்முடைய சீஷர்கள் முன்னோர்களின் பாரம்பரியத்தை ஏன் மீறி நடக்கிறார்கள்? கைகழுவாமல் போஜனம்பண்ணுகிறார்களே! என்றார்கள். 3.அவர்களுக்கு அவர் பிரதியுத்தரமாக: நீங்கள் உங்கள் பாரம்பரியத்தினாலே தேவனுடைய கற்பனையை ஏன் மீறி நடக்கிறீர்கள்? 4.உன் தகப்பனையும் உன் தாயையும் கனம்பண்ணுவாயாக என்றும்; தகப்பனையாவது தாயையாவது நிந்திக்கிறவன் கொல்லப்படவேண்டும் என்றும், தேவன் கற்பித்திருக்கிறாரே. 5.நீங்களோ, எவனாகிலும் தகப்பனையாவது தாயையாவது நோக்கி: உனக்கு நான் செய்யத்தக்க உதவி எது உண்டோ, அதைக் காணிக்கையாகக் கொடுக்கிறேன் என்று சொல்லி, தன் தகப்பனையாவது தன் தாயையாவது கனம்பண்ணாமற்போனாலும், அவனுடைய கடமை தீர்ந்ததென்று போதித்து, 6.உங்கள் பாரம்பரியத்தினாலே தேவனுடைய கற்பனையை அவமாக்கிவருகிறீர்கள். 7.மாயக்காரரே, உங்களைக்குறித்து: 8.இந்த ஜனங்கள் தங்கள் வாயினால் என்னிடத்தில் சேர்ந்து, தங்கள் உதடுகளினால் என்னைக் கனம்பண்ணுகிறார்கள்; அவர்கள் இருதயமோ எனக்குத் தூரமாய் விலகியிருக்கிறது. 9.மனுஷருடைய கற்பனைகளை உபதேசங்களாகப் போதித்து, வீணாய் எனக்கு ஆராதனை செய்கிறார்கள் என்று, ஏசாயா தீர்க்கதரிசி நன்றாய்ச் சொல்லியிருக்கிறான் என்றார் - மத்தேயு 15:1-9

ஏனென்றால், பரிசேயரும் வேதபாரகரும் "உன் தகப்பனையும் உன் தாயையும் கனம்பண்ணுவாயாக" என்கிற கட்டளை, இந்த  பூமிக்குரிய பெற்றோரை குறிப்பதாகவே போதித்து வந்தார்கள், ஆனால் இதுவோ தேவனுடைய கற்பனையாகவும், நம் இருதயம் தேவனோடு இருக்க வேண்டும் என்கிற இரகசியத்தை வெளிப்படுத்துகிறதாகவுமே இருந்தது.

கொர்பான்

ஏன் இயேசு கிறிஸ்து கொர்பான் என்கிற தேவனுக்கு செலுத்த வேண்டிய காணிக்கையை குறித்து பேசினார்? - 1.எருசலேமிலிருந்து வந்த பரிசேயரும், வேதபாரகரில் சிலரும் அவரிடத்தில் கூடிவந்தார்கள். 2.அப்பொழுது அவருடைய சீஷரில் சிலர் கழுவாத அசுத்த கைகளாலே போஜனம்பண்ணுகிறதை அவர்கள் கண்டு குற்றம்பிடித்தார்கள். 3.ஏனெனில் பரிசேயர் முதலிய யூதர் அனைவரும் முன்னோர்களின் பாரம்பரியத்தைக் கைக்கொண்டு, அடிக்கடி கைகழுவினாலொழியச் சாப்பிடமாட்டார்கள். 4.கடையிலிருந்து வரும்போதும் ஸ்நானம்பண்ணாமல் சாப்பிடமாட்டார்கள். அப்படியே செம்புகளையும் கிண்ணங்களையும் செப்புக்குடங்களையும் மணைகளையும் கழுவுகிறதுமல்லாமல், வேறு அநேக ஆசாரங்களையும் கைக்கொண்டுவருவார்கள். 5.அப்பொழுது, அந்தப் பரிசேயரும் வேதபாரகரும் அவரை நோக்கி: உம்முடைய சீஷர்கள் முன்னோர்களின் பாரம்பரியத்தை மீறி, ஏன் கை கழுவாமல் சாப்பிடுகிறார்கள் என்று கேட்டார்கள். 6.அவர்களுக்கு அவர் பிரதியுத்தரமாக: இந்த ஜனங்கள் தங்கள் உதடுகளினால் என்னைக் கனம்பண்ணுகிறார்கள்; அவர்கள் இருதயமோ எனக்குத் தூரமாய் விலகியிருக்கிறது என்றும், 7.மனுஷருடைய கற்பனைகளை உபதேசங்களாகப் போதித்து, வீணாய் எனக்கு ஆராதனை செய்கிறார்கள் என்றும், எழுதியிருக்கிறபிரகாரம், மாயக்காரராகிய உங்களைக்குறித்து, ஏசாயா நன்றாய்த் தீர்க்கதரிசனம் சொல்லியிருக்கிறான். 8.நீங்கள் தேவனுடைய கட்டளையைத் தள்ளிவிட்டு, மனுஷருடைய பாரம்பரியத்தைக் கைக்கொண்டுவருகிறவர்களாய், கிண்ணங்களையும் செம்புகளையும் கழுவுகிறீர்கள்; மற்றும் இப்படிப்பட்ட அநேக சடங்குகளையும் அனுசரித்து வருகிறீர்கள் என்றார். 9.பின்னும் அவர் அவர்களை நோக்கி: நீங்கள் உங்கள் பாரம்பரியத்தைக் கைக்கொள்ளும்படிக்கு தேவனுடைய கட்டளைகளை வியர்த்தமாக்கினது நன்றாயிருக்கிறது. 10.எப்படியெனில், உன் தகப்பனையும் உன் தாயையும் கனம்பண்ணுவாயாக என்றும், தகப்பனையாவது தாயையாவது நிந்திக்கிறவன் கொல்லப்படவேண்டும் என்றும், மோசே சொல்லியிருக்கிறாரே. 11.நீங்களோ, ஒருவன் தன் தகப்பனையாவது தாயையாவது நோக்கி: உனக்கு நான் செய்யத்தக்க உதவி எது உண்டோ, அதைக் கொர்பான் என்னும் காணிக்கையாகக் கொடுக்கிறேன் என்று சொல்லிவிட்டால் அவனுடைய கடமை தீர்ந்தது என்று சொல்லி, 12.அவனை இனி தன் தகப்பனுக்காவது தன் தாய்க்காவது யாதொரு உதவியும் செய்ய ஒட்டாமல்; 13.நீங்கள் போதித்த உங்கள் பாரம்பரியத்தினால் தேவ வசனத்தை அவமாக்குகிறீர்கள். இதுபோலவே நீங்கள் மற்றும் அநேக காரியங்களையும் செய்கிறீர்கள் என்று சொன்னார் - மாற்கு 7:1-13

முதலாவது வேதபாரகரும் பரிசேயரும் "உன் தகப்பனையும் உன் தாயையும் கனம்பண்ணுவாயாக" என்கிற கற்பனையை தவறாக புரிந்துக் கொண்டது மாத்திரம் இல்லாமல், அவர்களுக்கு கொடுக்க வேண்டிய பணத்தை மாத்திரமே மிகைப்படுத்தி போதித்தார்கள், ஆனால் நம் தேவனோ நமக்குள் வாசம் பண்ணுகிற தேவனாய் இருக்கிறார், அவரை நம் காணிக்கைகளினால் பெற்றுக் கொள்ள முடியாதும் மாறாக கீழ்ப்படுதலினாலும் தெய்வ அன்பினால் மாத்திரமே அவரைப் பெற்றுக்கொள்ள முடியும்

கீழ்ப்படுதலும் தெய்வ அன்பும்

லூக்கா தனது புஸ்தகத்தில், இதை இன்னும் எளிதாக குறிப்பிட்டிருந்தார், உன் அதாவது தகப்பனையும் உன் தாயையும் கனம்பண்ணுவாயாக என்கிற கட்டளையின் ஏதிர் பார்ப்பே நாம் தேவனை நேசிக்க வேண்டும் என்பது தான், அதனால் தான் தேவனுக்கு செலுத்த வேண்டிய கொர்பான் காணிக்கைகளை கொடுத்து விட்டு, நியாயத்தையும் தேவ அன்பையும் விட்டுவிடுகிறீர்களே என்று இயேசு கிறிஸ்து கேட்டார் - 37.அவர் இப்படிப் பேசிக்கொண்டிருக்கையில், பரிசேயன் ஒருவன் தன்னுடனேகூட அவர் பகற்போஜனம் பண்ணவேண்டுமென்று அவரை வேண்டிக்கொண்டான்; அவர் போய்ப் பந்தியிருந்தார். 38.அவர் போஜனம்பண்ணுகிறதற்குமுன் கைகழுவாமலிருந்ததைப் பரிசேயன் கண்டு, ஆச்சரியப்பட்டான். 39.கர்த்தர் அவனை நோக்கி: பரிசேயராகிய நீங்கள் போஜனபான பாத்திரங்களின் வெளிப்புறத்தைச் சுத்தமாக்குகிறீர்கள், உங்கள் உள்ளமோ கொள்ளையினாலும் பொல்லாப்பினாலும் நிறைந்திருக்கிறது. 40.மதிகேடரே, வெளிப்புறத்தை உண்டாக்கினவர் உட்புறத்தையும் உண்டாக்கவில்லையோ? 41.உங்களுக்கு உண்டானவைகளில் பிச்சை கொடுங்கள், அப்பொழுது சகலமும் உங்களுக்குச் சுத்தமாயிருக்கும். 42.பரிசேயரே, உங்களுக்கு ஐயோ, நீங்கள் ஒற்தலாம் மருக்கொழுந்து முதலிய சகலவித பூண்டுகளிலும் தசமபாகம் கொடுத்து, நியாயத்தையும் தேவ அன்பையும் விட்டுவிடுகிறீர்கள்; இவைகளையும் செய்யவேண்டும், அவைகளையும் விடாதிருக்கவேண்டுமே - லூக்கா 11:37-42

ஆபிரகாம் எங்களுக்குத் தகப்பன் என்று உங்களுக்குள்ளே சொல்லத்தொடங்காதிருங்கள்

இப்படி பரலோகத்தின் தேவன், தம்முடைய சாயலில் நம்மை உருவாக்கி, பிரசவ வேதனையை காட்டிலும் பல மடங்கு அதிகமான சிலுவையின் பாடுகளினால் மீட்டிருக்கும் பொழுது, நம்முடைய மூதாதையைரையோ, அல்லது இந்த உலக மனிதர்களையோ, எங்கள் தகப்பன் என்று சொல்லி பெருமை பாராட்டுவது எவ்வளவாய் தேவனை தூக்கப்படுத்துகிற காரியமாய் இருக்கிறது - மனந்திரும்புதலுக்கு ஏற்ற கனிகளைக் கொடுங்கள்; ஆபிரகாம் எங்களுக்குத் தகப்பன் என்று உங்களுக்குள்ளே சொல்லத்தொடங்காதிருங்கள்; தேவன் இந்தக் கல்லுகளினாலே ஆபிரகாமுக்குப் பிள்ளைகளை உண்டுபண்ண வல்லவராயிருக்கிறார் என்று உங்களுக்குச் சொல்லுகிறேன் - லூக்கா 3:8 & ஆபிரகாம் எங்களுக்குத் தகப்பன் என்று உங்களுக்குள்ளே சொல்லிக்கொள்ள நினையாதிருங்கள்; தேவன் இந்தக் கல்லுகளினாலே ஆபிரகாமுக்குப் பிள்ளைகளை உண்டுபண்ண வல்லவராயிருக்கிறார் என்று உங்களுக்குச் சொல்லுகிறேன் - மத்தேயு 3:9 

தீர்க்கதரிசனம்

இயேசு கிறிஸ்து சிலுவையில் பாடுபட்டு நமக்கு புத்திரசுவிகாரத்தை கொடுத்தார் என்றால், அதற்கு முன்பே மோசே "உன் தகப்பனையும் உன் தாயையும் கனம்பண்ணுவாயாக" என்கிற கற்பனையை கொடுக்க காரியம் என்ன? இயேசு அவளை நோக்கி: என்னைத் தொடாதே, நான் இன்னும் என் பிதாவினிடத்திற்கு ஏறிப்போகவில்லை; நீ என் சகோதரரிடத்திற்குப் போய், நான் என் பிதாவினிடத்திற்கும் உங்கள் பிதாவினிடத்திற்கும், என் தேவனிடத்திற்கும் உங்கள் தேவனிடத்திற்கும் ஏறிப்போகிறேன் என்று அவர்களுக்குச் சொல்லு என்றார் - யோவான் 20:17 

நிச்சியமாகவே இயேசு கிறிஸ்துவின் சிலுவை பாடுகளினால் தான் நமக்கு புத்திரசுவிகாரம் கிடைத்தது, ஆனால்  மோசேயின் காலத்திலேயே நமக்கு புத்திரசுவிகாரம் கிடைக்கப் போகிறது என்பதை தேவன் தீர்க்கதரிசனமாக "உன் தகப்பனையும் உன் தாயையும் கனம்பண்ணுவாயாக" என்று உரைத்தார்.

குருடருக்கு வழிகாட்டுகிற குருடராயிருக்கிறார்கள்

ஏன் கர்த்தர் பரிசேயரை பார்த்து குருடருக்கு வழிகாட்டுகிற குருடராயிருக்கிறார்கள் என்று சொன்னார்? அது தேவன் தந்த மிக முக்கியமான "உன் தகப்பனையும் உன் தாயையும் கனம்பண்ணுவாயாக" என்கிற கட்டளையை தவறாக போதித்து, தேவனை நேசிக்க வேண்டிய மக்களை இந்த உலக காரியங்களின் மேல் நோக்கமாய் இருக்கும்படி செய்தவர்களை குறித்தேச் சொன்னார் - 10.பின்பு அவர் ஜனங்களை வரவழைத்து, அவர்களை நோக்கி: நீங்கள் கேட்டு உணருங்கள். 11.வாய்க்குள்ளே போகிறது மனுஷனைத் தீட்டுப்படுத்தாது; வாயிலிருந்து புறப்படுகிறதே மனுஷனைத் தீட்டுப்படுத்தும் என்றார். 12.அப்பொழுது, அவருடைய சீஷர்கள் அவரிடத்தில் வந்து: பரிசேயர் இந்த வசனத்தைக் கேட்டு இடறலடைந்தார்கள் என்று அறிவீரா என்றார்கள். 13.அவர் பிரதியுத்தரமாக: என் பரமபிதா நடாத நாற்றெல்லாம் வேரோடே பிடுங்கப்படும். 14.அவர்களை விட்டுவிடுங்கள், அவர்கள் குருடருக்கு வழிகாட்டுகிற குருடராயிருக்கிறார்கள்; குருடனுக்குக் குருடன் வழிகாட்டினால் இருவரும் குழியிலே விழுவார்களே என்றார். 15.அப்பொழுது, பேதுரு அவரை நோக்கி: இந்த உவமையை எங்களுக்கு வெளிப்படுத்தவேண்டும் என்றான். 16.அதற்கு இயேசு: நீங்களும் இன்னும் உணர்வில்லாதவர்களாயிருக்கிறீர்களா? 17.வாய்க்குள்ளே போகிறதெல்லாம் வயிற்றில் சென்று ஆசனவழியாய்க் கழிந்துபோம் என்பதை நீங்கள் இன்னும் அறியவில்லையா? 18.வாயிலிருந்து புறப்படுகிறவைகள் இருதயத்திலிருந்து புறப்பட்டுவரும்; அவைகளே மனுஷனைத் தீட்டுப்படுத்தும். 19.எப்படியெனில், இருதயத்திலிருந்து பொல்லாத சிந்தனைகளும், கொலைபாதகங்களும், விபசாரங்களும், வேசித்தனங்களும், களவுகளும், பொய்ச்சாட்சிகளும், தூஷணங்களும் புறப்பட்டுவரும். 20.இவைகளே மனுஷனைத் தீட்டுப்படுத்தும்; கைகழுவாமல் சாப்பிடுகிறது மனுஷனைத் தீட்டுப்படுத்தாது என்றார் - மத்தேயு 15:10-20

உங்கள் பிதாக்களின் அக்கிரம அளவை நிரப்புங்கள்  

சில தலைமுறைகளுக்கு முன்பு நம் முன்னோர்கள் எப்படி இருந்தார்கள் என்பதை தேவன் மாத்திரமே அறிவார், அதனால் இவ்வளவு வேத ஆதாரங்கள் அறிவுரைகள் இருந்தும், தேவனை மாத்திரம் உயர்த்தாமல், முன்னோர்களை குறித்துப் பேசுவோமானால், நாம் அவர்களின் அக்கிரம அளவை நிரப்புகிறவர்களாகத் தான் இருப்போம் - 29.மாயக்காரராகிய வேதபாரகரே! பரிசேயரே! உங்களுக்கு ஐயோ, நீங்கள் தீர்க்கதரிசிகளின் கல்லறைகளைக் கட்டி, நீதிமான்களின் சமாதிகளைச் சிங்காரித்து: 30.எங்கள் பிதாக்களின் நாட்களில் இருந்தோமானால், அவர்களோடே நாங்கள் தீர்க்கதரிசிகளின் இரத்தப்பழிக்கு உடன்பட்டிருக்கமாட்டோம் என்கிறீர்கள். 31.ஆகையால், தீர்க்கதரிசிகளைக் கொலை செய்தவர்களுக்குப் புத்திரராயிருக்கிறீர்கள் என்று உங்களைக்குறித்து நீங்களே சாட்சிகளாயிருக்கிறீர்கள். 32.நீங்களும் உங்கள் பிதாக்களின் அக்கிரம அளவை நிரப்புங்கள் - மத்தேயு 23:29-32