ஒளியினிடத்தில் விசுவாசமாயிருங்கள்

நம்முடைய கர்த்தராகிய இயேசு கிறிஸ்துவின் மேல் நாம் வைக்கிற நம்பிக்கையே நாம் அவரை நேசிப்பதின் அடையாளமாகவும், கர்த்தரை நம்மோடு கிட்டி சேர்ப்பதாகவும் இருக்கிறது - விசுவாசமில்லாமல் தேவனுக்குப் பிரியமாயிருப்பது கூடாதகாரியம்; ஏனென்றால், தேவனிடத்தில் சேருகிறவன் அவர் உண்டென்றும், அவர் தம்மைத் தேடுகிறவர்களுக்குப் பலன் அளிக்கிறவரென்றும் விசுவாசிக்கவேண்டும் - எபிரெயர் 11:6

மறைந்து போனார்

இயேசு கிறிஸ்து விசுவாசத்தின் முக்கியத்தை வெளிப்படுத்திய விதம் இன்னும் ஆச்சரியமாகவேயுள்ளது, எப்பயென்றால் தன்னை விசுவாசிக்காத திரள் கூட்டத்தாரின் மத்தியிலிருந்து கர்த்தர் மறைந்து போனார் என்று பார்க்கிறோம் - 35.அதற்கு இயேசு: இன்னும் கொஞ்சக்காலம் ஒளி உங்களிடத்தில் இருக்கும்; இருளில் நீங்கள் அகப்படாதபடிக்கு ஒளி உங்களோடிருக்கையில் நடவுங்கள்; இருளில் நடக்கிறவன் தான் போகிற இடம் இன்னதென்று அறியான். 36.ஒளி உங்களோடிருக்கையில் நீங்கள் ஒளியின் பிள்ளைகளாகும்படிக்கு, ஒளியினிடத்தில் விசுவாசமாயிருங்கள் என்றார். இவைகளை இயேசு சொல்லி, அவர்களைவிட்டு மறைந்தார். 37.அவர் இத்தனை அற்புதங்களை அவர்களுக்கு முன்பாகச் செய்திருந்தும், அவர்கள் அவரை விசுவாசிக்கவில்லை - யோவான் 12:35-37

மறைவாயிருக்கக் கூடாமற்போயிற்று

ஆனால் அதே சமயத்தில், கர்த்தருக்காக ஏங்கி நின்ற ஒரு ஸ்திரீயினிமித்தம், கர்த்தரால் மறைய கூடாமல் போய் விட்டதாம் - 24.பின்பு, அவர் எழுந்து அவ்விடம் விட்டுப் புறப்பட்டு, தீரு சீதோன் பட்டணங்களின் எல்லைகளில் போய், ஒரு வீட்டுக்குள் பிரவேசித்து, ஒருவரும் அதை அறியாதிருக்க விரும்பியும், அவர் மறைவாயிருக்கக் கூடாமற்போயிற்று. 25.அசுத்த ஆவி பிடித்திருந்த ஒரு சிறு பெண்ணின் தாயாகிய ஒரு ஸ்திரீ அவரைக்குறித்துக் கேள்விப்பட்டு, வந்து அவர் பாதத்தில் விழுந்தாள். 26.அந்த ஸ்திரீ சீரோபேனிக்கியா தேசத்தாளாகிய கிரேக்க ஸ்திரீயாயிருந்தாள்; அவள் தன் மகளைப் பிடித்திருந்த பிசாசைத் துரத்திவிடவேண்டுமென்று அவரை வேண்டிக்கொண்டாள் - மாற்கு 7:24:26